GUÍA DE ACTUACIÓN PREVENTIVA ANTE O CORONAVIRUS NO ÁMBITO DA ADMINISTRACIÓN XERAL DA COMUNDADE AUTÓNOMA DE GALICIA QUE A DIRECCIÓN XERAL DE XUSTIZA PRETENDE IMPOÑER AO PERSOAL DA ADMINISTRACION DE XUSTIZA
UGT
manifesta que calquera guía de actuación terá que ser negociada
cos representantes sindicais do persoal ao servizo da Administración
de xustiza, feito que non se produciu, polo que nos opoñémos a que
se nos aplique o contido da referida guía do persoal dos corpos
xerais autonómicos.
En
relación á guía de actuación do
persoal autonómico (modificada por Resolución 18/05/2020),
dicir:
Publicado
en DOG o Acordo que modifica o procedemento de recoñecemento da
especial sensibilidade dos traballadores da Administración
Autonómica a través do Servizo de Prevención de Riscos Laborais.
Logo
da posta en marcha dos Comités de Seguridade e Saúde Laboral das
distintas Consellerías, e en concreto do da Medio Rural, UGT en
consonancia co resto das Organizacións Sindicais viñamos demandando
unha corrección do procedemento establecido, por consideralo
excesivamente longo e confuso para o persoal. Na reunión do pasado
sábado do Cecop procedeuse á súa modificación atendendo aos
seguintes parámetros:
Está
expresamente excluído do ámbito de actuación do Servizo de
Prevención de Riscos Laborais:
-
O persoal do Sergas dos centros sanitarios.
-
O persoal destinado en centros docentes da Consellería de Educación,
Universidade e Formación Profesional.
-
Aqueles outros entes ou organismos que contan con servizo de
prevención propio ou alleo.
PROCEDEMENTO
DE DETERMINACIÓN DUN/DUNHA TRABALLADOR/A COMO ESPECIALMENTE
SENSIBLE
O
servizo sanitario do SPRL debe:
-
Avaliar a presenza de persoal traballador especialmente sensible en
relación coa infección de coronavirus.
-
Establecer a natureza de especial sensibilidade da persoa
traballadora e
emitir
informe sobre as medidas de prevención, adaptación e protección.
Para
iso, terá en conta a existencia ou inexistencia dunhas condicións
que permitan realizar o traballo sen elevar o risco propio da
condición de saúde da persoa traballadora.
Os
grupos vulnerables para COVID-19, son as persoas:
-
con diabetes
-
enfermidade cardiovascular, incluída hipertensión
-
enfermidade pulmonar crónica
-
inmunodeficiencia
-
cancro en fase de tratamento activo
-
embarazo
-
maiores de 60 anos.
Nos
anexos I e II da Guía de actuación preventiva ante o
coronavirus no ámbito da Administración xeral da Comunidade
Autónoma de Galicia, recóllense os distintos escenarios que se
poden dar co persoal incluído como grupo vulnerable e indícanse,
de ser o caso, as adaptacións de tarefas que a consellería deberá
realizar para que poida seguir desempeñando o seu posto de traballo.
O
feito de que o/a traballador/a presente algunha das patoloxías
indicadas ou teña máis de 60 anos non determina a súa
consideración de traballador como especialmente sensible, senón
que deberá seguir traballando, agás que deba permanecer no seu
domicilio polas causas xerais que determinen os protocolos ordinarios
de aplicación (persoa con síntomas de coronavirus, contacto
estreito cunha persoa enferma...). Polo tanto, para determinar a
especial sensibilidade deberán concorrer as circunstancias indicadas
nos anexos I e II e proceder segundo o disposto na guía.
CANDO
UN/UNHA TRABALLADOR/A SE ATOPE DENTRO DUN GRUPO VULNERABLE DOS
SINALADOS ANTERIORMENTE, DEBERANSE SEGUIR OS SEGUINTES PASOS:
1.
O/a traballador/a deberá presentar unha solicitude ante ao
Servizo de Prevención de Riscos Laborais
(prevencion.riscos.laborais@xunta.gal), no cal exprese que
concorren causas para considerar o/a traballador/a como grupo
vulnerable. (tfno do SPRRLL: 981 544 900)
2.
O Servizo de Prevención de Riscos Laborais remitirá a solicitude ao
servizo de prevención alleo con que está concertada a especialidade
da medicina do traballo (na actualidade, Cualtis).
3.
O médico especialista en medicina do traballo avaliará a
solicitude recibida e solicitará ao/á traballador/a a
documentación acreditativa da súa situación que resulte
procedente.
De
ser necesario, o Servizo de Prevención Alleo poderá solicitar un
informe á unidade do/da traballador/a afectado en que se indiquen as
tarefas e condicionantes específicos do posto de traballo.
Coa
análise da devandita documentación e da relativa aos riscos
existentes no centro de traballo da persoa solicitante, o facultativo
emitirá informe.
Resulta
obrigatorio para o/a traballador/a achegar toda a documentación
requirida polo servizo sanitario; no caso contrario, entenderase que
desiste da súa petición.
Mentres
se tramita o informe do especialista, o/a traballador/a ten que
continuar realizando o seu traballo, agás que se determine o
contrario en aplicación dos protocolos da Consellería de Sanidade
(o/a traballador/a presenta síntomas da enfermidade, tivo contacto
estreito cunha persoa infectada...).
O
informe que emitirá o servizo sanitario, deberá establecer algunha
das seguintes medidas:
a.
Establecer que non concorre especial sensibilidade no/na
traballador/a e que haberá que seguir mantendo as medidas de
prevención establecidas nas avaliacións de riscos específicas do
posto.
b.
Se hai novas circunstancias no posto de traballo que poden
elevar o risco na saúde da persoa traballadora, realizará un
informe de adaptación de posto en que se lle indiquen ao responsable
da unidade as medidas de prevención, adaptación e protección que
se deban adoptar. Estas medidas poderán consistir na adaptación do
posto de traballo e a dotación dunha protección adecuada que evite
o contacto ou de recolocación a outras funcións exentas de risco,
tendo en conta as pautas incluídas no anexo I.
c.
Como última medida e, unha vez acreditada a imposibilidade de
realizar as medidas do punto anterior, o facultativo emitirá informe
en que indique a imposibilidade de adaptación do posto de traballo e
a imposibilidade de aplicar unha protección adecuada que evite o
contaxio ou recolocación a outras funcións exentas de risco e, polo
tanto, considerarase o/a traballador/a como especialmente sensible
para os efectos da tramitación da incapacidade laboral.
Nesta
situación, o/a traballador/a deberá acudir ao seu médico de
atención primaria para tramitar a súa incapacidade laboral e
comunicarllo á Xunta de Galicia.
Para
efectos do estudo das circunstancias concorrentes para a declaración
dun/dunha traballador/a como especialmente sensible, realizarase o
estudo das patoloxías do traballador en relación co seu posto de
traballo, avaliando especificamente o risco que supoñen as súas
funcións en relación coas súas doenzas.
Cómpre
destacar que se as circunstancias do posto de traballo non variaron
respecto á situación previa da pandemia do coronavirus, non existe
no/a traballador/a maior sensibilidade que a que existía con
anterioridade.
Desde
UGT valoramos a modificación do procedemento de forma negativa,
porque entendemos que vai a entorpecer e dilatar o mesmo. En
todo caso debera procederse á valoración do risco de exposición en
función da natureza das actividades e dos mecanismos de transmisión,
por este motivo manifestamos o noso posicionamento encontra das
táboas aprobadas polo Ministerio posto que entendemos que asocian o
risco exposición ás diferentes categorías profesionais e non en
función da natureza das actividades e os mecanismos de exposición
UGT
considera que a modificación aprobada polo Cecop debera ter
contemplado:
-
Que en ningún caso se procedese á reincorporación, ao posto de
traballo, en tanto os informes da Avaliación estean realizados.
-
Que é necesario que o/a responsable da unidade, de ser o caso, emita
un informe acerca da imposibilidade de adaptación do posto para que
sexa valorado desde o primeiro momento polo persoal sanitario do
Servizo de Prevención.
-
Que no suposto de imposibilidade de adaptación se procedese ao paso
á situación dun permiso especial e extraordinario que contemplase
esa situación, en lugar de abocar a ter que pasar á situación de
Incapacidade Temporal.
-
Que de xeito cautelar os maiores de 60 anos non se reincorporen.