UGT JUSTICIA GALICIA
CURSOS LINGUAXE ADMINISTRATIVA GALEGA e CELGA (EOI)
No DOG de hoxe publícase a resolución pola que se convocan, con carácter gratuíto, cursos de linguaxe administrativa galega e cursos preparatorios para a obtención dos certificados de lingua galega, Celga, que se realizarán en varias escolas oficiais de idiomas de Galicia no curso académico 2026/27, destinados, entre a outro persoal, ao persoal da Administración de Xustiza que se atope en servizo activo.
As persoas que desexen participar nos cursos convocados nesta resolución deberán cubrir o formulario de inscrición telemática no enderezo www.eoidigital.com/preinslinguagalega.
Despois de que remate o prazo de presentación de solicitudes, a EOI adxudicará as prazas por sorteo.
Prazo para a presentación das solicitudes e datas do sorteo:
– Desde o 29 de xuño ata o 10 de xullo de 2026, para os cursos do primeiro cuadrimestre. Sorteo: 13 de xullo.
– Desde o do 2 ao 13 de novembro de 2026, para os cursos do segundo cuadrimestre. Sorteo: 16 de novembro.
Os admitidos/as deberán entrar novamente na aplicación e presentar a documentación necesaria que se detalla na resolución. O prazo para a presentación desta documentación será o seguinte:
– Do 14 ata o 23 de xullo de 2026, para os cursos do primeiro cuadrimestre.
– Do 17 ata o 26 de novembro de 2026, para os cursos do segundo cuadrimestre.
As datas de realización dos cursos e da proba final que figuran no Anexo II son orientativas, nos taboleiros de anuncios e na páxina web da escola oficial de idiomas publicaranse as datas concretas.