De acordo coa Orde do 20 de agosto de 2014, da Consellería de Cultura, Educación e Ordenación Universitaria, a partir do 15 de decembro de 2014, e ata o 16 de xaneiro de 2015, estará aberto un novo prazo de inscrición para cursos de linguaxe administrativa galega e preparatorios para os Celga (certificados de lingua galega).
Os novos cursos terán lugar entre febreiro e maio de
2015 e realizaranse nas escolas oficiais de idiomas.
Os cursos de linguaxe administrativa galega serán de nivel
medio e superior. Realizaranse practicamente todos en liña, agás un
presencial (de nivel medio), que se impartirá na Escola Oficial de
Idiomas de Pontevedra. As demais escolas onde tamén haberá cursos son as
seguintes: A Coruña, Lugo, Ourense e Vigo. Na de Pontevedra tamén terá lugar un
curso en liña de nivel superior.
Os cursos preparatorios para os certificados de lingua galega
(Celga) serán todos presenciais e desenvolveranse nas
escolas da Coruña, Ferrol, Santiago de Compostela, Lugo, Ourense, Pontevedra e
Vigo.
Información completa (cos requisitos e impresos de inscrición) na orde da convocatoria, publicada no DOG do 27 de agosto de
2014.