A Dirección Xeral nos remitiu o seguinte correo relativo a formación dos funcionarios que se incorporan como consecuencia do concurso de traslado.
Formación para as incorporacións a un novo posto de traballo como consecuencia do concurso de traslados 2012
Como xa se anticipou recentemente, este ano o persoal que cambie de posto de traballo
como consecuencia do concurso de traslados vai ter un soporte
formativo que facilite a súa incorporación ao novo posto. Esta formación
tamén estará dispoñible para o persoal que se reincorpore ao seu posto
de traballo despois dunha liberación sindical.
Esta
acción formativa é o primeiro paso no proxecto que denominamos
“Comunidades Virtuais de Aprendizaxe” que, resumidamente, será un
punto de encontro para a resolución
de dúbidas, compartición e ampliación de coñecemento dos distintos
profesionais da Administración de Xustiza de Galicia. Integrada na Intranet de Xustiza, permitirá
a realización de actividades formativas de xeito remoto a través dos medios técnicos da Administración de Xustiza (equipamento de
videoconferencia, acceso remoto ao posto dos usuarios, teléfono, etc) . Poderán haber reforzos presenciais, aínda que a utilización dos medios técnicos serán a canle habitual.
Nunha próxima reunión vos faremos unha presentación máis detallada.
O
próximo luns 3 de decembro está previsto a posta en marcha do proxecto
formativo destinado ao persoal que cambia de posto de traballo como
consecuencia do concurso
de traslado. Esta formación tamén estará dispoñible para o persoal que
se reincorpore ao seu posto de traballo despois dunha liberación
sindical.
Coa
fin de que este persoal reciba a formación máis axeitada para o posto
de traballo ao que se vai incorporar, e personalizada ao seu nivel de
coñecementos, analizouse
a información dispoñible no relativo aos postos de orixe e destino e
asignouse un titor a cada un dos alumnos. Os
titores serán os encargados de guiar a cada un dos alumnos
durante os primeiros meses na súa aprendizaxe, mediante as seguintes
actividades:
1.
Acollida inicial,
indicándolle aos alumnos cales
son os seus obxectivos de aprendizaxe, facilitándolle unha
planificación xeral de formación e informándolle sobre o proceso de
aprendizaxe completo asociado á súa incorporación á Administración de
Xustiza de Galicia. Esta acollida realizarase a través do correo
electrónico.
2.
Acceso á documentación necesaria para o cumprimento
dos obxectivos de formación de cada un dos alumnos.
3.
Resolución, durante os horarios de
titorías, das dúbidas dos alumnos.
4.
Resolución das dúbidas dos usuarios a través da
Comunidade Virtual de Aprendizaxe da Administración de Xustiza de Galicia: mediante os foros e o formulario de consulta en liña.
5.
Seguimento e avaliación
da aprendizaxe dos alumnos,
para recomendarlle a asistencia ás actividades formativas que se
organicen e que mellor se adaptan ás necesidades do alumno. Estas
actividades poderán ser remotas ou presenciais.
Os
contactos dos titores cos alumnos realizaranse a través dos distintos
medios técnicos cos que conta a Administración de Xustiza de Galicia:
Comunidade Virtual
de Aprendizaxe (foros e consulta en liña), correo electrónico, teléfono
e videoconferencia.
A formación prevista, que estará guiada en todo momento por un titor, desenvolverase en dúas fases:
·
Formación en temas xenéricos, organizativos e administrativos.
·
Formación específica nas aplicacións informáticas da Administración de Xustiza en Galicia.