UGT insiste
na responsabilidade da Vicepresidencia e Consellería de Presidencia,
Administracións Públicas e Xustiza por deixación de funcións
UGT-Xustiza
denuncia que a falta de seguridade e de persoal nos xulgados facilita o roubo
nos arquivos.
Santiago, 29 de agosto de
2014.- UGT-Xustiza denuncia que a falta de seguridade, de organización e de
persoal nos xulgados e sedes de xustiza de toda Galicia fan posible os roubos e
saqueos nos arquivos xudiciais, donde se atopan non só expedentes, senón tamén
documentos, probas e pezas de convicción, necesarias para a resolución dos
casos.
O suceso acaecido recentemente no
Edificio de Xustiza de Santiago de Compostela, no que saquearon, revolveron
expedientes e substraxeron pezas de convición dos arquivos, é causa directa da
inacción por parte da Consellería a cargo do Sr. Rueda. Neste caso concreto,
que afecta aos Xulgados de Instrucción, números 1 e 3, e do Penal número 1, é
un feito continuado no tempo, denunciado hai tempo e posto en coñecemento da
Dirección Xeral de Xustiza de Galicia.
UGT ven denunciando sistemáticamente que
a falta de persoal, agravada pola falta de organización e de seguridade nos edificios
xudiciais de Galicia, fai posible que persoas alleas á administración de
xustiza poidan acceder aos arquivos nos que se depositan os expedientes e as
pezas de convicción dos casos que están abertos, ben sexa co ánimo de roubar ou
co ánimo de interferir no funcionamento da Xustiza.
Por se fose pouco, a falta de persoal
vese incrementada nestes momentos ao ter obrigado a Vicepresidencia e
Consellería de Presidencia, Administracións Públicas e Xustiza a facer o
espurgo (limpeza periódica de expedientes) aos funcionarios de xustiza, cando
debera facelo o persoal directamente dependente da Xunta de Galicia, situación
esta que UGT ven continuamente denunciando.