No DOG de hoxe publicouse a seguinte disposición da
Escola Galega de
Administración Pública (EGAP):
RESOLUCIÓN do 23 de setembro de 2019 pola que se convoca a
xornada Administración e xestión xudicial de activos.
“O obxectivo principal desta xornada é dar a coñecer a
situación legal dos activos intervidos xudicialmente no marco dos
procedementos penais así como as distintas ferramentas e
posibilidades de xestión, administración e realización que se
atopan ao dispor das unidades xudiciais, coa finalidade de optimizar
a xestión dos ditos patrimonios.”
Data: martes, 8 de outubro de 2019.
Horario: de mañá e tarde.
Lugar: Escola Galega de Administración Pública. Rúa Madrid, 2-4,
Santiago de Compostela.
O prazo para a inscrición estará aberto desde o día seguinte ao da
publicación desta resolución no Diario Oficial de Galicia ata o día
6 de outubro de 2019.
As
solicitudes de participación nesta actividade formativa só poderán
realizarse mediante o formulario de matrícula telemática dispoñible
no enderezo <https://egap.xunta.gal/matricula> desde as 8.00
horas da data de inicio do prazo de presentación de solicitudes ata
as 23.55 horas da data de finalización.