UGT-Galicia traslada o seu pésame e amosa a súa solidariedade coas familias das vítimas do accidente ferroviario
UGT-Galicia, nun día tan triste como o de hoxe, quere trasladar o seu pésame e amosar a súa solidariedade coas familias e amigos das vítimas do accidente ferroviario ocorrido na pasada noite nas proximidades do casco urbano de Santiago (no lugar de Angrois) cando un Alvia que cubría a ruta entre Madrid e Ferrol se saiu da vía e volcou, ocasionando este sinistro, segundo as últimas informacións, máis de 70 mortos e máis de 100 feridos.
Santiago, 25 de xullo de 2013.- UGT-Galicia, nun día tan triste como o de hoxe, quere trasladar o seu pésame e amosar a súa solidariedade coas familias e amigos das vítimas do accidente ferroviario ocorrido na pasada noite nas proximidades do casco urbano de Santiago (no lugar de Angrois) cando un Alvia que cubría a ruta entre Madrid e Ferrol se saiu da vía e volcou, ocasionando este sinistro, segundo as últimas informacións, máis de 70 mortos e máis de 100 feridos.
Ademais de trasladar a condolencia ás familias das vítimas, o noso máis sentido pésame e solidariedade, UGT-Galicia quere resaltar o papel xogado dende o primeiro momento polos servizos públicos, tanto forzas de seguridade, servizos sanitarios, centro de transfusión de sangue ou outros servizos de emerxencia, para intentar socorrer ás vítimas, así como, a solidariedade da cidadanía que se achegou ao lugar dos feitos para botar unha man en todo o que puideron e de xeito masivo a doar sangue dende a primeira chamada que se fixo ao respecto desta necesidade.
UGT-Galicia considera que agora é o momento de estar ao carón das vítimas e dos seus familiares e que calquera outra valoración sobre como aconteceron os feitos ou posibles responsabilidades debe deixarse en mans dos responsables do proceso de investigación que se ven de abrir e que, de seguro, contribuirá a esclarecer como sucedeu este tráxico suceso.